Íslenska hjóla- og rafskutluleigan – bókanir skoðunarferða og afþreyingar á Tenerife.

Bike rental Residencial El Camisón (Bike of the Bikes) er hjóla- og rafskutluleiga í El Camisón komplexinu á Playa de las Americas svæðinu á Tenerife.  Við erum í sömu götu og t.d. Hótel Best Tenerife, Vulcan og Andorra. Við erum samt hinum megin við götuna og hringtorgið sem er við Hotel Andorra, í átt til fjalla og þar í fyrsta húsi á vinstri hönd. Gult komplex með hvítum gluggum. Á jarðhæðinni er röð af fyrirtækjum, veitingastöðum og verslunum og er okkar local nr. 11 í röðinni.

Reiðhjól.
Við erum með góð Scott fjallahjól í tveimur fullorðins stærðum sem bæði þykja fín í torfærum sem og á stígum. Einnig erum við með þægileg götuhjól sem henta vel fyrir stíga og stéttir á Las Americas svæðinu. 

Rafskutlur.
2ja manna rafskutlurnar eru 3ja hjóla, með loft í dekkjum og dempurum að framan og aftan. Hægt er að færa bæði sætin þannig að ágætispláss er bæði fyrir ökumann og farþega. Bakkgír er á öllum okkar skutlum. Skutlurnar þykja þægilegar og flestir eru fljótir að ná tökum á þeim. Rafskutlur eru eingöngu leigðar til fatlaðra, eldri borgara eða fólks sem á erfitt með gang. Sá sem þarf á skutlunni að halda má þó tilnefna ábyrgan ökumann til að sjá um aksturinn. Leyfilegur hámarkshraði á gangstéttum er gönguhraði og þarf að fara afar gætilega, sérstaklega þar sem er umferð gangandi vegfarenda. Mikilvægt er að þeir sem eiga P-merki, taki merkið með sér til Tenerife enda gefur það notendum víðtækari heimildir.
Rafhlöðuending fer eftir notkun og álagi en dæmi eru um að skutlum hafi verið ekið 30 km á einni hleðslu og nóg var þá samt eftir á rafgeymum. Allar skutlur sem við látum frá okkur eru með nýjum rafhlöðum. (Jún 2019)

Auglýstur opnunartími er virka daga frá 9-17 og laugardaga frá 10-14.

Það er alltaf gott að hringja á undan sér þar sem við þurfum af og til að bregða okkur frá. 

Síminn hjá okkur er: 00 34 603 60 62 62

(Það á ekki að kosta aukalega að hringja úr íslensku númeri í spænskt er okkur sagt, en best að hver og einn kanni það hjá sínu símafyrirtæki)

Við erum einnig með íslenskt númer en auðveldara er að ná í okkur í spænska númerinu.

íslenska númerið er: 492 1500 (þarf ekki 00 354 á undan ef hringt úr íslenskum síma, hvorki ef hringt er frá Íslandi eða hér á Tenerife).

Alla jafna er lokað á Sunnudögum en við gerum okkar besta til að vera til þjónustu reiðubúin þegar þörf er á og við erum oft lengur á skrifstofunni heldur en auglýstur opnunartími gefur til kynna.

Við bjóðum alla hjartanlega velkomna hvort sem fólk vill skoða, prófa eða leigja hjá okkur hjól.  

Nánari upplýsingar á Facebook síðunni okkar   Staðsetning.

Nánari upplýsingar á Facebook síðunni okkar   Staðsetning.

• 

• 

•